Charter Document - 04921187

Charter Document - 04921187


Charter Number: 04921187
Cartulary Title: Recueil de chartes et documents de Saint-Martin-des-Champs [Paris]
Charter Language: Latin
Charter Origin: Lay
Charter Type(s): Sale
Date: 1264
Date type: Internal, A.D.
Resource Link(s): Cartulaires d'Île-de-France

Charter:

Ego Johannes de Chantelliaco miles dictus Buticlarius notum facio o p l i quod cum ego tenerer ecclesie Sti Nicholai de Aciaco juxta Silvanectum in triginta libris paris ex mutuo a viro religioso Johanne dicte ecclesie nunc priore mihi facto et ego et dictus prior vendiderimus Johanni dicto de la Biausse quater viginti et quatuordecim arpenta nemoris de Lueton communis michi et dicte ecclesie pro novies viginti libris paris michi et dicte ecclesie tribus terminis persolvendis videlicet in festo Nativitatis Domini proximo venture sexaginta libris par et in alia Nativitate sequenti sexaginta libris paris item in alia Nativitate aliis sexaginta libris par subsequenti quarum novies viginti librarum medietas ad dictum priorem ratione ecclesie sue et alia medietas ad me jure hereditario pertinebat Ego et dictus prior convenimus de dictis novies viginti libris par salvo jure hereditatis partis utriusque in dicto nemore quod ego sexaginta libras in primo termino predicto recipiam mihi quitas et dictus prior alias centum et viginti libras par sibi et ecclesie sue quitus et liberas duobus terminis ultimis recipiet suprascriptis Ita tamen quod ego de triginta libris predictis in quibus dicte ecclesie tenebar quitus ero Promittens bona fide pro me et heredibus meis quod contra compositionem et ordinationem istam non ego vel heredes mei veniemus nec in dictis centum et viginti libris par aliquid reclamabimus in futurum In cujus rei memoriam pres litteras sigillo meo dicto priori tradidi sigillatas Actum anno Domini MCCLX tercio mense januario