Charter Document - 04921179
| Charter Number: | 04921179 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1263 |
| Date type: | Internal, A.D. |
| Resource Link(s): |
|
Charter:
U p l i Laurentius humilis supprior Sti Martini de Campis Paris et ejusdem loci conventus eternam in Domino salutem Notum facimus quod cum Reverendus in Xristo frater domnus Hugo prior Sancti Martini teneretur facere generalia specialia singulis annis nobis videlicet in crastino Nativitatis Domini de anguillis dominica in Septuagesima de crespis dominica in Quinquagesima de caseis dominica Brandonum et dominica in media Quadragesima de buignetis duobus diebus in ebdomada Rogationum ante Ascensionem Domini de flatonibus attendentes predicti Prioris et nostram utilitatem et commodum de assensu ipsius domini Prioris et voluntate et nostra et de bonorum virorum consilio sic cum ipso domno Priore statuendum duximus ac etiam ordinandum quod nos et conventus predictus vel procuratores nostri perpetuo percipiamus pacifice et quiete singulis annis pro predictis generalibus quatuordecim libras paris in furno de Teroenne quod est Parisius in vico Magno juxta vicum que dicitur la Coconnerie quas ibi percepit et percipere consuevit dictus Prior annuatim et vigenti sol in domo de Trinitate Parisius similiter annuatim percipiendos Dictus Prior secundum predictam ordinationem tenetur nobis facere generalia alectium vol ovorum in predictis quinque diebus videlicet in crastino Nativitatis Domini et in quatuor dominicis predictis secundum quod consuevit facere a Nativitate Domini usque ad Pascha Nos vero predictis duobus diebus in ebdomada Rogationum faciemus generalia alectium vel ovorum nobis et illis quibus consuevit fieri in coquina conventus Quod ut perpetuum firmitatis robur obtineat presentibus litteris sive presenti cirographo sigillum nostrum una cum sigillo predicti conventus duximus apponendum Datum anno Domini mill ducentesimo sexagesimo secundo mense febroario