Charter Document - 04921173
| Charter Number: | 04921173 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1261 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Officialis curie Parisiensis Luciana dicta de Pestrino asseruit in jure coram nobis quod viri religiosi Prior et conventus Sti Martini de Campis Par divine pietatis intuitu necnon et pro servicio quod ipsis religiosis et ecclesie sue diucius exhibuerat feliciter et devote quondam defunctus Herbertus de Pestrino homo de corpore dictorum religiosorum et ecclesie sue pater ipsius Luciane ipsam Lucianam Marotam et Margarotam ejusdem Luciane filias feminas de corpore predictorum conventus et ecclesie de communi assensu suo manu miserant et a jugo servitutis quo predictis religiosis tenebantur astricte ipsas absolverant et penitus relaxaverant eisdem libertatem plenariam concedentes Asseruit etiam ipsa Luciana quod habebat domum Parisius in vico Sti Martini de Campis quam concessit predictis religiosis in recompensationem manumissionis predicte Datum anno Domini mill duc sexagesimo mense marcio