Charter Document - 04921132
| Charter Number: | 04921132 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1257 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
U p l i Johannes de Castellione comes Blesensis et Carnotensis salutem in Domino Notum facimus quod cum contentio verteretur inter nos et Priorem et conventum Sti Martini de Campis super justiciis magnis et parvis villarum de Poyrressac et de Asconvilla et territoriorum eisdem villis adjacentium quas dicebamus ad nos pertinere pacificatum fuit in hunc modum quod habebimus omnimodam justiciam in casibus infrascriptis videlicet raptu multro thesauro invento incendio et homicidio qualitercumque perpetrato et omnimodo latrocinio cum omnibus juribus et expectamentis ad pr justicias in d sex casibus pertinentibus Si id contingat quod delinquentes in pred sex casibus bona sua immobilia per legem terre amittere debeant nos predicta immobilia habebimus et in manu nostra tenere poterimus per annum et diem postquam ad nos devenerint sed elapsis anno et die ponemus ea extra manum nostram Preterea habebimus gagium duelli in curia dictorum monachorum judicati cum omnibus expectamentis et juribus ad gagium duelli spectantibus excepto quod monachi de quolibet duello in curia ipsorum judicato habebunt lx sol Carnotenses et si per legem terre lx solidi vel plus levari possint vel debeant de eodem nec in dictis villis et territoriis aliquid amplius de cetero poterint reclamare Dicti vero monachi habebunt aliam omnimodam justiciam in villis et territoriis supradictis Actum anno Incarnationis Dominice MCCL sexto mense februario