Charter Document - 04921122
| Charter Number: | 04921122 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Transfer |
| Date: | 1256 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
O p l i frater Robertus humilis abbas Sti Victoris Parisiensis totusque ejusdem loci conventus Cum inter nos et Priorem et Conventum Sti Martini de Campis esset discordia suscitata super quadam domo sita Parisius in Civitate in vico qui vulgariter appellatur Vetus Judearia Panificorum contigua furno quem ibidem habent et domui Renaudi dicti Hochebran laici quam emerant ad opus ejusdem furni nobis asserentibus nos habere super eamdem domum lx solidos paris augmentati census a Guillemo dicto Ad Ensem cive Parisiensi cui illam domum ad dictum censum dederamus et ideo nobis instanter petentibus ut ipsi ipsam domum extra manum suam ponerent secundum usum et consuetudines Parisiace civitatis ipsis opponentibus domum in fundo suo sitam esse ipsamque ad eos et ecclesiam suam pertinere tandem ita extitit compositum quod nos percipiamus annuatim per manum infirmarii ecclesie Sti Martini super domum predictam lx sol paris augmentati census Actum anno Domini mill duccen quinquag quinto mense januario