Charter Document - 04919925
| Charter Number: | 04919925 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1228 - 1234 |
| Date type: | Assigned |
| Resource Link(s): |
Reference Document for this Embedded Document Cartulaires d'Île-de-France |
Charter:
Guillermus divina permissione ecclesie Parisiensis minister indignus o p l i eternam in Domino salutem Notum facimus quod cum inter Nicholaum personam ecclesie de Darenciaco ex una parte et religiosos viros ministrum et fratres Domus Sancte Trinitatis et Captivorum de Ponte Regine ex altera super domo ecclesia cymiterio et toto porprisio dictorum fratrum de Ponte Regine que idem Nicholaus sita esse dicebat infra fines parochie de Darenciaco necnon et jure parrochiali ejusdem domus et super uno arpento terre arabilis sito juxta cheminum Silvanectensem quem idem Nicholaus asserebat dictos fratres a presbyterio de Darenciaco ad duos denarios censuales tenere compellens nomine presbiterii de Darenciaco eosdem fratres ad ponendum dictam terram extra manum suam esset coram Nobis diucius altercatum tandem eodem Nicholao personnaliter et fratre Petro de Paris ministro dicte Domus procuratore fratrum ejusdem Domus de Ponte Regine habente mandatum ad componendum in nostra presentia constitutis recognoverunt se ad invicem composuisse mediantibus bonis et discretis viris super premissis prout inferius continetur quod totum porprisium dictorum fratrum erit exemptum a jure parochiali pro fratribus et servientibus eorum et hospitibus ad dictam domum confluentibus nisi forte mansionarii fuerint victum dictorum fratrum non percipientes vel nisi masuras in terra dictorum fratrum habuerint qui ad omnia jura parochialia presbitero parochiali de Darenciaco integre tenebuntur Item predicti minister et fratres habebunt si voluerint fontes in suo monasterio solummodo ad aquam benedictam in vigiliis Pasche et Penthecostes tantummodo faciendam ita quod nullum parrochianum de Darenciaco poterint baptizare et generaliter nulla jura parochialia sacramenta ecclesiastica vel sacramenta aliquibus parrochianis de Darenciaco exhibere poterint nisi de licentia parochialis presbiteri de Darenciaco speciali In recompensatione vero predictorum habebit in perpetuum presbiter de Darenciaco a supradictis ministro et fratribus illum arpentum terre arabilis ad quem alienandum idem N nomine ecclesie sue dictos fratres compellebat et circiter unum arpentum vinee site apud Darenciacum quod fuit Girardi dicti Decani de Sancto Dyonisio ad decem solidos censuales solummodo domino fundi annuatim persolvendos et dimidium arpentum vinee que fuit Petri de Noiis armigeri site super vineam presbiteri de Noiis