Charter Document - 04912873
| Charter Number: | 04912873 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1228 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis p l i Odo divina miseratione Sancti Germani de Pratis humilis abbas et ejusdem loci conventus salutem in Domino Noverit universitas vestra quod cum inter nos ex una parte et viros religiosos abbatem et conventum monasterii Fossatensis ex altera controversia mota fuisset super proventibus quorudam hominum de Choisiaco [] justicia emenda redditibus et tallia eorumdem quos nos et ecclesia Fossatensis ibi communes habebamus exceptis quibusdam serviciis que ecclesia Fossatensis contra nostram ecclesiam sibi deberi specialiter contendebat et de omnibus istis et de omni contentione que circa dictos hospites moveri poteret in venerabilem H[erbertum] abbatem Sancte Genovefe et B[alduinum] Sancti Martini de Campis et G[] Sancti Eligii priores Parisienses ab utraque ecclesia fuisset compromissum ipsi arbitrium suum ita diffiniverunt quod in justicia et in omnibus proventibus dictorum hospitum et redditibus utraque ecclesia medietatem percipiet Datum anno Domini MCCVIII mense maio