Charter Document - 04911109
| Charter Number: | 04911109 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1253 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
O p l i Officialis curie Parisiensis coram nobis constitutus dominus Radulfus de Claciaco miles asseruit et confessus fuit quod defuncta domina Agnes quondam mater sua dum viveret legavit in puram elemosinam conventui prioratus de Gornaio supra Maternam decem solidos paris annui redditus Item asseruit quod ipse dedit et concessit eidem conventui triginta septem annis jam elapsis duo arpenna terre contigua sita supra ripariam Materne juxta brachium de Blancha Mica in censiva Prioris et conventus Sancti Martini de Campis Parisius onerata in duobus solidis capitalis census Asseruit etiam idem miles quod dicti Religiosi dictam terram redigerunt in pratum et quictavit idem miles coram nobis specialiter et expresse dictis religiosis dictum pratum sive dicta duo arpenta terre conversa in pratum Asseruit idem miles quod defuncta domina Petronilla uxor militis memorati legavit in ultima voluntate eisdem Religiosis in puram et perpetuam elemosinam duo arpenta terre arabilis sita juxta culturam Prioris de Gornaio apud Luabon quod legatum idem miles coram nobis ratum et gratum habuit et de non veniendo contra jure aliquo fidem in manu nostra prestitit corporalem asserens quod duo dicta arpenta terre movebant de conquestu ipsorum R et P quondam ejus uxor[is] Actum anno Domini MCCLIII mense septembri