Charter Document - 04911082
| Charter Number: | 04911082 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1250 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
In nomine Patris et Filii et Spiritus sancti amen Proponentibus in jure Cantore et Capitulo Sancti Honorati Parisiensis coram Officiali bone nemorie G[aufredi] quondam ecclesie Parisiensis archidiaconi predecessore nostro contra Henricum de Sancto Remigio armigerum et petitionem que sequitur porrigentibus dicunt Cantor et Capitulum Sancti Honorati Paris contra Henricum de Sto Remigio armigerum quod Johannes de Monasterio de Veteri Corbolio miles et Beatrix ejus uxor recognoverunt coram officiali Curie Paris se vendidisse quamdam decimam quam habebant et percipiebant in decima tocius decime de Noysiaco Magno et de Villaribus ecclesie Sancti Honorati in manu mortua pro sexcies viginti libris par quam decimam ecclesia Sti Honorati percepit et habuit per decem annos et amplius Item dicunt quod pred Henricus impedit minus juste quominus dicti Cantor et Capitulum possint percipere dictam decimam assignando ad eandem injuste quare petunt quod condempnetur ad tollendum pred impedimentum Item quod censura qua convenerit compellatur Lite ad nos ex morte dicti Archidiaconi delata testibus productis nos per diffinitivam sententiam condempnamus dictum Henricum ad tollendum dictum impedimentum Datum anno Domini mill ducent quinquagesimo die Veneris ante festum Beati Martini estivalis