Charter Document - 04911070
| Charter Number: | 04911070 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Discharge |
| Date: | 1248 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
U p l i P[etrus] prior Bte Marie de Gornayo et conventus ejusdem loci salutem in Domino Noverint universi quod cum nos ex una parte et Guillelmus de Villefluyes miles et Odelina ejus uxor ex altera talem fecissemus commutationem quod nos quittaverimus eisdem quandam peciam vinee quam possidebamus apud Noisiacum Magnum subtus domum eorumdem super Maternam quitam ab omni decima ab omni pressoragio et custodia et prefati Guillelmus et Odelina peciam vinee apud Roissiacum nobis dedissent quittavimus eisdem duo arpenta pratorum nobis collata in elemosinam ab eodem Guillelmo et defuncto Johanne quondam fratre suo pro anima patris ipsorum sita inter prata dictorum G et ejus uxoris et prata presbiteri de Gornaio et sepelati G et V nobis concessissent permutationis nomine unum arpentum prati versus Chanolium continuum prato Hugonis Rucket et nos concessissemus ipsis quod ipsi dictam peciam terre possent vindemiare si vellent quamcito monachi Sancti Martini de Campis inciperent vindemiare in vineis suis et nos eisdem cartam super predictis confectam anno Domini MCC tricesimo nono mense junio dedissemus cum postmodum prior Sti Martini de Campis vendicaret dicta duo arpenta pratorum in recompensationem quittavimus eisdem illud idem arpentum prati quod nobis concesserant item unum arpentum prati contiguum prato Guiardi quondam filii defuncti Aymberti de Nuilliaco et prato Drochonis dicti Chapon Actum anno Domini MCCXLVIII mense septembris