Charter Document - 04911060

U p l i Guillelmus permissione divina ecclesie Parisiensis minister licet indignus salutem in Domino Universitati vestre sit notum quod cum inter Nicholaum Arrode nomine Johannis filii sui ex una parte et Odonem Popini et Genovefam uxorem ejusdem et Agnetem relictam defuncti Guillelmi Pectus Anseris ex altera super bonis Hersendis defuncte matris quondam predictarum Genovefe et Agnetis et Florie matris predicti Johannis filii Nicholai predicti inter ipsos equaliter dividendis discordia orta esset interveniente bonorum virorum consilio et laudatu ad hanc concordiam in nostra presentia devenerunt quod inter ipsos omnia bona inmobilia predicte Hersendis tam hereditaria quam conquestus in tribus partibus equaliter dividentur et ad divisionem his faciendam Adam Flammingum Radulphum de Paci cives Parisienses concorditer elegerunt Placuit etiam inter dictas partes quod divisio olim facta inter eos de hereditate quondam Johannis Evroini patris predictarum Genovefe et Agnetis et avi dicti Johannis diligenter videatur et inquisito statu illius temporis quo facta fuit divisio si inventum fuerit quod secundum illum statum portionis facte fuerint non equales legitime adequarentur Et quia dictus Johannes nundum quatuordecimum annum compleverat dictus Nicholaus Arrodi juravit super sancta Dei evangelia se curaturum et facturum quod filius ejus infra sex menses postquam quatuor decimum annum compleverit pred divisiones et adequationem ratas et firmas habebit Si vero dictus Johannes non habuerit rata predicta et memoratas litteras non concesserit infra tempus prescriptum predictus Nicholaus promisit solvere penam quater centarum marcharum argenti ipsis vel heredibus ipsorum ita quod ducentas marchas solvet Odoni et Genovefe vel eorum heredibus et ducentas alias marchas argenti Agneti vel ejusdem heredibus De qua pena solvenda dedit eisdem Odoni et mulieribus fide jussores Andream de Paciaco Radulphum fratrem ejus Gauterium dictum Magistrum Odonem Ruffi Nicholaum fratrem ejusdem et Henricum dictum Parvum Que omnia dicti Odo Genovefa et Agnes se servaturos [sub simili pena] promiserunt Et de ipsa pena solvenda Nicholao Johanni vel ejusdem Johannis heredibus si contra venirent ipsi dederunt fide jussores Odo Popinus et Genovefa ejus uxor Johannem Popinum juvenem Petrum Gonteri Johannem Augeri generum predicti Odonis et Agnes relitta quondam Guillelmi Pectus Anseris Stephanum dictum Barbete juniorem Johannem dictum Pizdoe et Odonem fratrem ejusdem Johannis Insuper Johannes Odo et magister Baldoinus Pectus Anseris filii predicte Agnetis juraverunt quod refutationem seu renunciacionem legatorum eis vel fratribus suis a predicto Johanne Evroini avo ipsorum relictorum factam a parentibus eorumdem in concordia habita inter eos et predictam Hersendem ratam habent et habebunt in futurum Actum anno Domini mill CC quadrag sexto mense decembri