Charter Document - 04911057
| Charter Number: | 04911057 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1246 |
| Date type: | Internal, A.D., Feast |
| Resource Link(s): |
|
Charter:
Guillelmus permissione divina ecclesie Parisiensis minister licet indignus dilecto in Christo [] presbitero de Luparis salutem in Domino Ex parte religiosorum virorum abbatis et conventus Herivallis nobis extitit intimatum quod cum ipsi abbas et conventus de Herivalle sint in possessione percipiendi vel quasi dimidium modium bladi tam ybernagii quam avene in decima de Luparis ratione cujusdam elemosine eisdem collate a defuncto Hermero quondam decano Sancti Framboudi Silvanectensis ut dicebant et Capitulum pred Sti Framboudi se opponat et impediat quominus dicti abbas et conventus percipiant dimidium modium bladi supradicti et eis reddere contradicant et nos recolimus nobis alias scripsisse quod arrestaretis bladum dicti Capituli quod percipere consuevit in granchia sacriste Sancti Martini de Campis Parisiensis sita apud Luparas hinc est quod vobis mandamus quod vos personaliter ad dictam granchiam accedentes dictum bladum ipsius Capituli ex parte nostra arrestetis et arrestari penes servientem dicti sacriste faciatis donec eisdem abbati et conventui de predicto dimidio modio bladi fuerit plenarie satisfactum Et in signum mandati nostri exequati presentes litteras cum appositione sigilli nostri reddite sigillatas Datum anno Domini MCCXL sexto die martis ante festum Omnium Sanctorum