Charter Document - 04911053
| Charter Number: | 04911053 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1246 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
U p l i Raynaldus dictus Le Cointes prepositus Parisiensis salutem in Domino Notum facimus quod cum inter viros religiosos Priorem et conventum Beate Marie de Gornaio ex una parte et omnes homines sive universitatem de Torciaco ex altera orta esset materia questionis super hoc quod pr homines dicebant se habere jus in nemore ipsorum Prioris et conventus quod dicitur Boholetum immittendi animalia sua ad pascua in nemore supradicto videlicet equos post triennium postquam dictum nemus esset sectum et postmodum in quinto anno indifferenter alia animalia sua ipsi si quod jus habebant eisdem Priori et conventui sponte benigne et favorabiliter remiserunt Ipse autem Prior de caritate ecclesie sue seu de mera gratia pro bono pacis universitati septies viginti libras turonensium dedit Si abbas Fossatensis pro domo sua de Torci milites et presbiter parochialis in dicta villa commorantes qui nichil usque nunc in dicto nemore clamant ut dicitur aliquid reclamare voluerint quos et nullum ejus habere credimus per inquisitionem quam fecimus dicti Prior et conventus non potuerunt dictos homines in causam trahere Datum anno Domini MCCXL sexto mense maio