Charter Document - 04911043
| Charter Number: | 04911043 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Ammortisement |
| Date: | 1245 |
| Date type: | Internal, A.D. |
| Resource Link(s): |
|
Charter:
Prior Sancti Nicholai juxta Silvanectum omnibus presentes litteras inspecturis salutem in Domino Noveritis quod nos ex affectu speciali quem ad ecclesiam Silvanectensem habemus viros venerabilem Decanum et capitulum ejusdem ecclesie speciali gratia prosequentes concessimus eisdem quod triginta et novem solidos paris annui census quos acquisierunt in fundo et censiva nostra supra domum que fuit Johannis quondam filii Wiberti sitam in vico Parisiensi intra domum que fuit quondam Bartholomei Custellarii ex una parte domum que fuit quondam Martini Tennatoris ex altera absque nostri vel nostrorum reclamatione quiete et pacifice habeant et percipiant in futurum salva nostra justitia fundi nostri et salvo censu nostro videlicet triginta et tribus denariis paris et uno capone que nobis tenentur reddere de domo predicta ad Natale Domini dicti Decanus et Capitulum annuatim In cujus rei testimonium presentes litteras dictis Decano et capitulo tradidimus sigillo nostro munitas Actum anno Domini MCCXLIV mense januario