Charter Document - 04911035
| Charter Number: | 04911035 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1244 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Guillelmus permissione divina Parisiensis ecclesie minister licet indignus De assensu Prioris et conventus Sancti Martini de Campis ad quos spectat collatio ecclesie parrochialis de Clamardo ratione juris patronatus archidiaconi loci et presbiteri ejusdem ecclesie dilecto nostro Ade coquo domini Regis concessimus ut liceat ei construere capellam in domo sua de Clamardo et ibi divina audire si placuerit eidem et ne propter hoc jus patroni et ecclesie parrochialis enormiter lederetur ordinamus quod in eadem capella nunquam poteretur institui capellania ab aliquo vel benefitium aliquod certum alicui certo presbitero qui ibidem deserviat assignari nisi de assensu et voluntate nostra archidiaconi loci patroni predicti et presbiteri parrochialis ecclesie de Clamardo nec campane appendi nec fons baptismalis consecrari nec aliquod jus parrochiale fieri ibidem nec etiam aliquis presbiter secularis vel religiosus vel aliqui etiam cujuscumque religionis commorari vel institui in eadem Si vero aliqui proventus ibidem fuerint tam in pane quam vino argento et auro et candelis et aliis rebus qui buscumque quocumque modo vel a quibuscumque provenerint parrochiali presbitero de Clamardo fideliter custodientur et reddentur per servientem in pred domo dicti Ade commorantem Item si successu temporis capellaniam contingat institui vel benefitium presbitero qui ibidem deserviat assignari collatio ipsius capellanie sive benefitii conventui Sancti Martini pertinebit Actum anno Domini MCC quadragesimo tercio mense martio