Charter Document - 04911025
| Charter Number: | 04911025 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1243 |
| Date type: | Internal, A.D. |
| Resource Link(s): |
|
Charter:
Universis ad quos presentes littere pervenerint frater Symon permissione divina Beati Germani de Pratis Parisiensis humilia abbas et totus ejusdem loci conventus in vero Salutari salutem Notum facimus quod cum talis esset consuetudo in villis de Meuduno et de Clamardo quod si aliqua terra arabilis coleretur in territorio et parrochia de Clamardo per colonos et animalia commorantia in parrochia de Meuduno ille cujus esset major decima de Meuduno ratione predicte consuetudinis sequens colonum suum nomine reportagii haberet medietatem decime illius sic culte et eadem consuetudine similiter uteretur villa de Clamardo in territorio et parrochia de Meuduno Nos ad quos spectat major decima de Meuduno predicte ville de Clamardo supradictam consuetudinem remisimus et monasterio Sancti Martini de Campis ad quos spectat minor decima de Clamardo quicquid nomine reportagii in predicta parrochia et territorio de Clamardo percipiebamus in perpetuum quittavimus pacifice et quiete Prefati vero Prior et conventus Beati Martini de Campis Paris prefate ville de Meuduno eandem consuetudinem remiserunt et nobis et ecclesie nostre Beati Germani de Pratis Parisiensis quicquid nomine reportagii in predicta parrochia et territorio de Meuduno percipiebant in perpetuum similiter quittaverunt In cujus rei testimonium et munimen presentes litteras eisdem sigillorum nostrorum munimine concessimus roboratas Datum anno Domini MCC quadragesimo tercio mense maio