Charter Document - 04911020
| Charter Number: | 04911020 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1242 |
| Date type: | Internal, A.D. |
| Resource Link(s): |
|
Charter:
U p l i Ego Symon de Pissiaco miles Notum facio quod cum inter me ex una parte et Priorem Sancti Martini de Campis Parisius ex altera controversia verteretur super divisione nemoris de Marroliis ad dominum priorem Sancti Martini de Campis pertinentis et nemoris de Brunvanna quod tenebam tandem exigente justifia ne super hoc imposterum contentio posset oriri ego et dominus Prior convenimus ad locum ubi erat divisio facienda et presente mandato prepositi Parisiensis propter hoc illuc misso de consensu utriusque partis per testium legitimorum hominum juratorum videlicet Hugonis majoris de Marroliis Siguini Symonis Hatri Ivonis Chippe et Vincentii de Fonte qui ad divisionem faciendam et metas ponendas electi fuerunt concorditer et vocati posite fuerunt mete inter utrumque nemus quas siquidem metas ego Symon volo et concedo prout posite sunt imperpetuum permanere Et teneor et promitto bona fide divisionem factam et metarum positionem contra omnes quandiu vixero garantire In cujus rei testimonium presentes litteras sigilli mei munimine roboravi Actum anno Domini milesimo ducentesimo quadragesimo secundo mense decembri