Charter Document - 04910972
| Charter Number: | 04910972 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1236 - 1237 |
| Date type: | Internal, A.D. |
| Resource Link(s): |
|
Charter:
Ego Henricus comes Barri et dominus Torciaci notum facio universis quod cum pro me et hospitibus meis de Torciaco ex parte Philippe uxoris mee omnimodum haberem usagium ad comburendum edifficandum et ad pasturam animalium in foresta de Roissiaco cujus duas partes sunt Amalrici de Mellento militis domini de Cauda et de Gornai et ejus fratrem et tertia pars Johannis de Bellomonte ex parte Elisabeth uxoris sue jure hereditario de bonorum virorum consilio et assensu dictorum fratrum et aliorum in eadem foresta participantium sexcenta arpenta pro me et hospitibus meis et pro hospitibus Sancti Petri Fossatensis recepi gratanter et benigne pro jamdicto usagio et pro omni usagio omnium gentium de Torciaco capienda ad perticam de Cauda juxta nemus Drogonis et hac parte contentus totum residuum foreste quitto Domino Guillelmo de Mellento et heredibus suis in perpetuum et aliis partem habentibus in dicta foresta Ego autem Philippa uxor ejusdem comitis Barri domina ordinationem et quitationem istam pro me et heredibus meis concessi et approbavi Actum anno gratie M duc tricesimo sexto