Charter Document - 04910959
| Charter Number: | 04910959 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1236 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
U p l i Haymo officialis G[uillelmi] archidiaconi Parisiensis canonicus Sti Honorati Par unicus judex a Domino Papa delegatus eternam in Domino salutem Notum facimus quod cum Prior et conventus Sancti Martini de Campis Paris traxissent in causam coram nobis auctoritate apostolica Robertum dictum Begue de Perona presbiterum super decimis majoribus et minutis ville de Clari et super quibusdam oblationibus ecclesie ejusdem ville et super quibusdam caponibus et denariis censualibus ejusdem ville et super decimis villarum de Ballues et de Flaecort et super decimis territorii quod appellatur Lapres et super quadraginta jornalibus terre arabilis in territorio ville de Estrepigni et super oblacionibus ecclesie ejusdem ville et super viginti solidis paris annui redditus quos habebant in ecclesia Sti Fursei de Perona que omnia dictus presbiter tenebat ab eisdem Priore et conventu idemque presbiter eos reconveniendo petiisset ab eis ducentas et triginta libras paris pro [] conventionibus pactionibus et mutuis in quibus omnibus [] die martis post quindenam Pasche continuata a die lune precedenti esset coram [nobis die autem] partibus assignata ad jurandum de calumpnia in conventione et ad litem contestandum de reconventione et ad procedendum ad dictas causas tandem Galerannus clericus dictorum Prioris et conventus procurator habens speciale mandatum et dictus Robertus presbiter spontanea voluntate super premissis omnibus in jure coram nobis inter se amicabiliter convenerunt in hunc modum quod Presbiter habebit usque ad festum Omnium Sanctorum proximo venturum omnes exitus aut proventus omnium rerum in petitione dictorum Prioris et conventus expressarum salva Prioris et conventus pensione quam dictus R presbiter ratione rerum sepedictarum consuevit eisdem persolvere annuatim Ab eodem vero festo Omnium Sanctorum pred Prior et conventus tenentur et tenebuntur reddere dicto R singulis annis quamdiu vixerit infra festum Omnium Sanctorum quinquaginta solidos paris et quadraginta modios bladi ad mensuram de Perona habendos in hunc modum videlicet quindecim modios in decima de Berleus alios quindecim modios in decima de Estrepigni et quinque modios in decima de Clari et alios quinque modios in decima de [Fl]accort Actum anno Domini MCC tricesimo sexto mense apprili