Charter Document - 04910952
| Charter Number: | 04910952 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1235 |
| Date type: | Internal, A.D. |
| Resource Link(s): |
|
Charter:
Ludovicus Dei gratia Francorum rex universis ad quos littere presentes pervenerint salutem Notum facimus quod dilectus noster [Evrardus] prior Beati Martini de Campis Parisiensis ad preces et instantiam dilecti et fidelis nostri G[alterii] archiepiscopi Senonensis et aliorum proborum meorum ex mera gratia coram Nobis concessit Ade Coco servienti nostro quoddam pressorium faciendum in quadam domo sua sita apud Clamard in censiva Sancti Martini ab ipso Adam et heredibus suis possidendum libere in perpetuum et tenendum ita quod ipse Adam vel heredes ejus in eodem pressorio premere non poterunt fructus vinearum suarum que debent pressuram ecclesie Sti Martini Tenebitur eciam serviens dicti Ade et heredum suorum qui pro tempore pressorium custodiet antedictum quolibet anno semel jurare hostellario Sti Martini si voluerit idem hostellarius et dictus serviens super hoc fuerit requisitus quod aliquos qui debeant pressuram ecclesie Sti Martini quantum ad proventum vinearum illarum de quibus eidem ecclesie debebitur pressura in dicto pressorio scienter non recipiet ad pressuram In cujus rei testimonium sigillum nostrum presentibus litteris duximus apponendum Actum apud Vicennas anno Domini MCC tricesimo quinto mense septembris