Charter Document - 04910950
| Charter Number: | 04910950 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1235 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Johannes de Tornebu miles salutem in Domino Notum facio quod cum hospites ecclesie Sti Nicholai de Aciaco et de Gornaio juxta Silvanectum haberent usuarium in nemore quod appellatur Vicedominatus pertinente ad me et ad dictam ecclesiam Sti Nicholai et ad Domnum Radulfum vicedominum Silvanectensem militem et ad Herchenbaudum de Valleprofunda domicellum et quilibet dictorum hospitum annuatim reddere teneretur pro dicto usuario michi et Priori et monachis dicte ecclesie Sti Nicholai et Erchenbaudo domicello duas minas avene et unum panem de quibus pane et avena dicti Prior et monachi medietatem percipiebant et ego Johannes quartam partem et Erchenbaudus aliam quartam partem Tandem dicti hospites spontanea voluntate quittaverunt michi in perpetuum dictum usuarium promittentes quod in dicto usuario nemoris supradicti per se vel per alium nichil de cetero reclamabunt Et ego Johannes de assensu et voluntate Marie uxoris mee quittavi dictis hospitibus illam quartam partem quam percipiebam annuatim in redditibus memoratis Preterea concessi dictis hospitibus et heredibus eorum in perpetuum quartam partem nemoris de Trunceio michi et uxori mee pertinentem de qua siquidem quarta parte nemoris dicti hospites et heredes eorum ad suam poterunt disponere voluntatem Ita tamen quod dicti hospites et heredes eorum pro quolibet arpento de dicta quarta parte nemoris de Trunceio michi et heredibus meis unum denarium censualem in festo Sti Remigii annuatim reddere tenebuntur et forestarii mei dictum nemus de Trunceio tenebuntur tanquam meum proprium custodire In cujus rei testimonium presentes litteras feci sigilli munimine roborari Predicta etiam Maria uxor mea que hoc voluit et laudavit presentibus litteris sigillum suum apponi fecit spontanea voluntate promittens quod aliqua ratione per se vel per alium in dicta quarta parte nemoris de Trunceio nec in redditibus memoratis nichil de cetero reclamabit Actum anno Domini mill CCXXXV mense junio