Charter Document - 04910949
| Charter Number: | 04910949 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1235 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Johannes de Bellomonte Domini Regis cambellanus et Isabellis uxor mea notum facimus universis ad quos presentes littere pervenerint quod nos volumus ratum et gratum habemus donationem quam Dominus Radulfus vicedominus Silvanectensis miles et Helisendis uxor ejus fecerunt Priori et monachis Sancti Nicholai de Aciaco juxta Silvanectum de parte sua nemoris de Tronceio quam partem dicti nemoris tenebant de nobis Volumus et concedimus quod dicti Prior et monachi habeant et possideant dictam partem dicti nemoris in perpetuum libere et quiete et omnem justitiam et omne dominium quod dictus Radulfus vicedominus et ejus uxor habebant vel habere poterant in dicta parte nemoris supradicti Et nos dictam partem ejusdem nemoris dictis Priori et monachis contra omnes in perpetuum garantizare tenemur Et pro isto dono predicti Nemoris de Tronceio quod nos concessimus predictis Priori et monachis qualem partem habet dictus Radulfus vicedominus in nemore Vicedominii talis remanebit illi et heredibus suis libere et quiete in perpetuum ita quod dictus Prior et ejus homines in illa parte nemoris Vicedominii nichil de cetero reclamabunt Et hoc remanet in feodum meum ligium Promisit autem dicta Helisendis fide prestita corporali quod contra donationem predictam ratione dotalitii vel alio modo per se vel per alium non veniet in futurum In cujus rei testimonium presentes litteras sigillorum nostrorum munimine ad petitionem partium fecimus roborari Datum anno Domini MCC tricesimo quinto mense mayo