Charter Document - 04910938
| Charter Number: | 04910938 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis frater E[vrardus] humilis Prior Sti Martini de Campis Parisiensis et ejusdem loci conventus salutem in Domino Notum facimus quod cum hospites ecclesie nostre Sti Nicholai de Aciaco et de Gornaio juxta Silvanectum haberent usuarium in nemore quod appellatur Vicedominatus pertinente ad dictam ecclesiam Sti Nicholai ad Domnum Johannem Tornebu ad Domnum Radulphum vicedominum Silvanectensem milites et ad Erchambaudum de Valleprofunda domicellum et cum quilibet dictorum hospitum annuatim reddere teneretur pro dicto usuario Priori et monachis dicte ecclesie Sti Nicholai dicto domno Johanni Tornebu militi et dicto Erchembaudo domicello duas minas avene et unum panem de quibus pane et avena dicti Prior et monachi Sti Nicholai medietatem percipiebant et dicti Johannes miles et Erchembaudus aliam medietatem Tandem dicti hospites spontanea voluntate quitaverunt nobis et dictis Priori et monachis Sti Nicholai in perpetuum usuarium supradictum promittentes quod in dicto usuario nemoris supradicti per se vel per alium nichil de cetero reclamabunt Et nos dictis hospitibus quittavimus medietatem illam in perpetuum quam dicti Prior et monachi Sti Nicholai percipiebant annuatim in redditibus supra dictis preterea concessimus dictis hospitibus et heredibus eorundem in perpetuum quartam partem nemoris de Trunceio ad dictos Priorem et monachos Sti Nicholai pertinentem de qua siquidem quarta parte nemoris dicti hospites et eorum heredes ad suam poterunt disponere voluntatem ita tamen quod dicti hospites et heredes eorum pro quolibet arpento dicti nemoris de Trunceio dictis Priori et monachis Sti Nicholai unum denarium censualem reddere tenebuntur in feslo Sti Remigii et forestarii dictorum Prioris et monachorum dictum nemus de Trunceio tenebuntur tanquam suum custodire In cujus rei testimonium presentes litteras fecimus sigilli nostri munimine roborari Actum anno Domini MCCXXX quarto mense februario