Charter Document - 04910922
| Charter Number: | 04910922 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1233 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
U p l i Guillelmus archipresbiter Sancti Severini Parisiensis et Nicholaus presbiter de Vemarz et frater Petrus humilis prior de Malorespectu salutem in Domino Notum facimus quod cum inter J[ohannem] priorem de Monciaco Novo ex una parte et R[] presbiterum de Chaneveriis ex altera super minuta decima de Chaneveriis questio fuisset diutius agitata tandem de assensu et voluntate reverendi patris Guillelmi Parisiensis episcopi et B[alduini] prioris et conventus Sti Martini de Campis Paris sicut in litteris ipsorum super hoc confectis continetur dicte partes fide data in nos compromiserunt super questione jamdicta cumque coram nobis postmodum super hoc litigatum fuisset et testes fuissent ab utraque parte producti et diligenter examinati Nos de bonorum virorum consilio et de assensu et voluntate utriusque partis videlicet Prioris de Monciaco Novo et Presbiteri de Chaneveriis arbitrium nostrum protulimus in hunc modum quod Prior de Monciaco Novo reddet presbitero de Chaneveriis in posterum in crastino Pasche quinque solidos paris annuatim et tota minuta decima pertinens ad presbiterium de Chaneveriis Priori de Monciaco Novo quiete et libere in perpetuum remanebit Actum anno Domini MCCXXXIII mense augusto