Charter Document - 04910912
| Charter Number: | 04910912 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1232 |
| Date type: | Internal, Calendar |
| Resource Link(s): |
Cartulaires d'Île-de-France |
Charter:
Gaufridus III abbas Latiniacensis diuturnitatis vite spem abjecerat anno MCCXXXI Martinus antea monachus Sancti Martini de Campis apud Parisios in locum recusantis Balduini ex priore ejusdem Sti Martini abbatis Latiniacensis nominati a Guillelmo Parisiensi presule ex predicta cum eodem episcopo pactione monachorum seu delata eidem a conventu eligendi abbatis potestate suffectus est mense saltem Augusto anni MCCXXXII quo Guillelmus episcopus Parisiensis litteris datis die Veneris post festum sancti Bartholomei testatur se presentem fuisse apud Sezanniam quando inibi M abbas Latiniaci nomine monasterii Latiniacensis emendam fecit presentibus quibusdam de capitulo suo nobili viro Theobaldo [IV] comiti Campanie pro eo quod conventus Latiniacensis tractatum habuisset de electione abbatis antequam misissent ad predictum comitem pro petenda licentia eligendi abbatem Qua de re haud absimile ipsius Martini habetur instrumentum datum mense septembri ejusdem anni Scripsit Martinus anno MCCXXXIII in vigilia sancti Bartholomei ad Theobaldum Campanie comitem se suis hominibus precepisse ut die Dominica post octavam Assumte in celos Beate Marie Virginis apud Montem scolarem convenirent in exercitu comitis cum armis et victualibus ad unum mensem propositum quem proinde rogat ne sibi culpe vertatur si forte non comparerent Memoratur idem MCCXXXVI mense Julio in chartario Livriaci quo anno propter tum eruditionem tum eximias dotes Johanni de Besseia Vedastino apud Atrebatenses abbati subrogatus est Notatur obitus ejus anno MCCL iv nonas Julii in martyrologio Corbeiensi