Charter Document - 04910882
| Charter Number: | 04910882 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1229 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis p l i frater B[alduinus] humilis prior Sti Martini de Campis et magister Herbertus canonicus et capellanus Domini Parisiensis salutem in Domino Notum facimus quod cum inter venerabiles viros canonicos Sti Mederici Paris ex una parte et viros religiosos Priorem et fratres Sti Lazari Parisiensis ex altera questio verteretur super hoc quod dicti canonici dicebant predictos Priorem et fratres emisse a Domino Marliaci quandam terram moventem ab eisdem canonicis super magnam viam que itur ad Stum Martinum de Campis et iterum protenditur in vico de Quiquempoist usque ad muros Sti Maglori Paris super cimiterium ejusdem loci et eam detinere in ipsorum prejudicium et gravamen arbitrium nostrum protulimus quod dicti Prior et fratres dictam terram cum justicia et dominio et censu augmentato quem Domini Marliaci ibidem solebant percipere annuatim libere de cetero possidebunt salvis tamen viginti et octo denariis de capitali censu persolvendis canonicis memoratis Datum anno Dominice Incarnationis millesimo ducentesimo vicesimo nono