Charter Document - 04910873
| Charter Number: | 04910873 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1228 |
| Date type: | Internal, A.D. |
| Resource Link(s): |
|
Charter:
Universis p l i frater Gaufredus abbas de Valle Beate Marie Gerardus supprior Sti Martini de Campis Parisiensis et Galterus presbiter domus leprosorum de Insula Ade salutem in Domino Notum facimus quod cum inter viros religiosos Priorem et conventum Sancti Martini de Campis Paris ex una parte et Guidonem presbiterum de Praeriis ex altera coram viris religiosis priore Sancti Vincencii Silvanectensis et conjudicibus suis auctoritate apostolica questio verteretur supra minuta decima de Praeriis tandem dicte partes in presencia dictorum judicum constitute in nos compromiserunt super decima minuta promittentes se firmiter servaturos quicquid deinde arbitrio nostro esset diffinitum Nos autem partibus convocatis auditis confessionibus eorundem et aliis omnibus que dicte partes coram nobis proponere voluerunt necnon et rationibus et allegationibus utriusque partis plenius intellectis exhibitis etiam in jure coram nobis quibusdam instrumentis ex parte dictorum Prioris et conventus ex quorum tenore nobis constitit evidenter minutam decimam de Praeriis ad monasterium Sancti Martini de Campis jure proprietatis titulo donationis spectare et eandem donationem confirmatam esse a bone memorie Odone quondam episcopo Belvacensi et a secundo Odone etiam successore ipsius habito prudentum virorum consilio partibus presentibus per sententiam nostram arbitrariam dictam minutam decimam de Prateriis ecclesie Sancti Martini de Campis liberam et quietam in perpetuum possidendam dicto presbitero de Praeriis super hoc perpetuum silentium imponentes Prefato vero presbitero de Praeriis adjudicavimus minutam decimam in toto feodo Petri des Maraies et decimam de Ballum et de Valle pendente et de Mala domo domini Mathei de Montemorenciaco et de iv hostisiis que sunt dicti presbiteri videlicet hostisia Landrici de Nonvile Petri de Mussart Sansonis de Rouiel et Joscelini de Atrio et de novalibus et duas partes minute decime in censualibus tam in domibus quam in terris reliqua tercia parte dictis monachis in perpetuum possidenda In cujus rei testimonium et munimen presentes litteras conscribi et sigillorum nostrorum impressione fecimus communiri Actum anno Domini MCCXX octavo mense aprili