Charter Document - 04910865
| Charter Number: | 04910865 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1227 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis Xristi fidelibus Guillelmus decanus Bte Marie Magdelene de Monte totumque ejusdem loci capitulum salutem in Domino Universitati vestre duximus intimandum quod nos bonorum virorum consilio terragia census gallinas nemora prata justicias majorem et minorem et quicquid habebamus et possidebamus sive in decimis sive in aliis rebus quibuscunque in villas de Campo vesinz de Grignei de Paci et territoriis eorundem communi assensu dedimus et concessimus in perpetuum ecclesie de Sancta Gemma que ad ecclesiam Sti Martini de Campis Paris pertinere dinoscitur sub annuo censu quinquaginta solidorum Pruveniensium solvendorum infra dominicam qua cantatur Letare Jherusalem et triginta quinque sextariorum bladi hiemalis et totidem avene ad mensuram de Basochiis nobis apud Montem infra festum purificationis Bte Marie singulis annis reddendorum talis videlicet bladi et talis avene vel ejusdem valoris qualis in decimis et terragiis earumdem villarum recipitur ab eisdem communiter In cujus rei memoriam pres litteras predictis Priori et conventui tradidimus sigilli Capituli nostri munimine roboratas Actum anno gratie MCC vicesimo septimo mense decembri