Charter Document - 04910852
| Charter Number: | 04910852 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1226 |
| Date type: | Internal, A.D. |
| Resource Link(s): |
|
Charter:
Frater G[] domus hospitalis Jerosolimitani prior humilis in Francia omnibus p et l eternam in Domino salutem Noveritis quod cum inter nos ex una parte et viros religiosos Priorem et conventum Beate Marie de Gornaio ex altera auctoritate apostolica coram venerabilibus viris [Herberto] abbati Sancte Genovefe et [Ernaldo] decano et [] cancellario Parisiensi controversia diutius verteretur super decimis quarundam terrarum et vinearum sitarum in parrochia de Essonia quarum restitutionem dicti Prior et conventus a nobis in jure petebant de consilio prudentum virorum amicabilis compositio intervenit in hunc modum quod Nos prefatis Priori et conventui pro decimis terrarum et vinearum quas in dicta parrochia tunc temporis possidebamus duo sextaria mistolii et duo sextaria avene ad mensuram Corboliensem singulis annis in festo sancti Dyonisii solvere tenebamur in domo nostra Corboliensi dicti vero Prior et conventus dictas decimas nobis in presentia judicum jamdictorum perpetuo quitaverunt Convenit etiam inter nos et ipsos quod si nos adquireremus de cetero aliquas terras sive possessiones in decimatione dictorum Prioris et conventus de ipsis possessionibus et terris decimas reddere tenebimur Priori et conventui memoratis Si vero dicti Prior et conventus acquirerint similiter terras sive possessiones aliquas in decimatione Domus nostri de Corboilo nobis decimas persolvere tenebuntur In cujus rei memoriam et testimonium presentes litteras fieri fecimus nostri sigilli munimine roboratas Actum apud Rampill anno Domini MCC vicesimo quinto mense martio