Charter Document - 04910848
| Charter Number: | 04910848 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1226 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego frater Balduinus prior totusque conventus Sti Martini de Campis Paris universis Xristi fidelibus in Domino salutem Notum facimus quod Berta Fontis Ebr[aldi] humilis abbatissa totusque conventus ejusdem loci de assensu et voluntate Thye priorisse et Petri prioris totique conventus de Fonte domum suam de Monte Crespin sitam juxta Domum Martinum cum omnibus appendiciis suis dedit et concessit Johanni monacho nostro tunc priori de Monciaco novo quandiu idem Johannes vixerit quiete et pacifice tenendam et possidendam per quemcumque procuratorem laicum non militem quem scilicet procuratorem idem Johannes quandocunque et quotiescunque voluerit potuerit removere et alium instituere qui dictam domum loco dicti Johannis procurabit tali modo quod nominatus Johannes ecclesie de Fonte quatuor modios bladi de meliori post semen qui crescet in gainnagio ejusdem domus et duos modios avene ad mensuram Meldensem infra Natale Domini reddere tenebitur annuatim Tres vero sextarios avene et census quos debet dicta domus reddet dictus Johannes priori de Fontanis et prior reddet illos baillivo de Donno Martino et aliis quibus debentur Census vero [] que debuntur eidem domui habebit Johannes sepe dictus Priorissam vero cum sex equitaturis et priorem cum tribus equis si ad domum illam ire contigerit semel in anno recipiet et eis necessaria providebit competenter Domos vero Capellani clausuram et totum herberagium in statu in quo sunt vel in meliori manutenebit Eodem vero Johanne monacho viam universe carnis ingresso dicta domus cum omnibus appendiciis et fructu die obitus sui terre adherente et cum melioratione quam ibidem fecerit ad ecclesiam de Fontanis libere et sine contradictione et debito revertetur Alia vero mobilia que erunt in dicta domo erunt nostra Solutis tamen prius dictis sex modiis annue pensionis ecclesie de Fontanis Ordinatum est etiam quod nos vel aliquis occasione hujus admodiationis post obitum dicti Johannis in dicta domo et in appendiciis ejus nisi tamen in mobilibus sicut superius est expressum nichil poterimus reclamare Si vero dictus Johannes contra dictas pactiones veniret nos ecclesie de Fontanis teneremur emendare et facere emendari Ut autem hoc ratum et inconcussum maneat presens scriptum sigilli nostri munimine roboravimus Actum anno Domini MCCXXV mense januario