Charter Document - 04910838
| Charter Number: | 04910838 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego frater Balduinus humilis prior Sancti Martini de Campis et Longipontis totusque ejus Longipontis conventus omnibus presentem paginam inspecturis notum facimus quod domnus Johannes de Maciaco miles et domna Margareta uxor ejus karissimum fratrem nostrum Guidonem filium suum de omnibus terris pratis vineis et aliis possessionibuis suis elemosinis deputatis et in litteris bone memorie Guilimini Parisiensis quondam episcopi expressius notatis saisiri fecerunt tali videlicet conditione quod predictus Guido quandiu vixerit possessiones teneat memoratas et quod ei a predictis J et M jussum fuerit de illis faciat et post mortem ipsius Guidonis et etiam ipso vivente si quacumque ex causa videbitur non possidere omnes predictas possessiones ad dictos J et M vel ad alterum eorum si superstes fuerit vel ad illos quibus presentes litteras tradiderit si predicti J et M de medio cesserunt integre et quiete et libere revertentur pro animabus dicti J et M in elemosinis erogande sine contradictione aliqua ecclesie Longipontis et etiam ecclesie Cluniacensis In cujus rei confirmationem et testimonium presentem paginam sigillorum nostrorum auctoritate fecimus roborari Actum anno gratie MCCXXV mense aprili