Charter Document - 04910832
| Charter Number: | 04910832 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1224 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
[N] Sancti Frambaldi et [N] Sancti Reguli decani [N] succentor Beate Marie Silvanectensis notum facimus quod cum inter Priorem et conventum Sancti Martini de Campis et Johannem presbiterum de Meru coram nobis auctoritate apostolica questio verteretur super decimis vinearum censualium que sunt in territorio de Meru et super stramine frumenti quod dictus Prior et conventus ad se pertinere jure dominii proponebant amicabilis compositio intercessit Andrea cellerario Beati Martini approbante ita quod dictus presbiter debet percipere medietatem decime vini omnium vinearum que sunt in territorio de Meru et de consensu eorundem partium debet eligi serviens ad predictam decimam colligendam et totum stramen frumenti de decima territorii de Meru integre percipient in perpetuum jure proprietatis monachi memorati et omne forragium avene ordei pisorum et fabarum et omne aliud forragium percipiet dictus presbiter Anno Domini MCCXX quarto mense novembri in vigilia Beati Andree apostoli