Charter Document - 04910831
| Charter Number: | 04910831 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1224 |
| Date type: | Internal, A.D. |
| Resource Link(s): |
|
Charter:
B[artholomeus] Dei gratia Parisiensis episcopus o p l i salutem in Domino Sciant presentes et posteri quod Ivo capellanus altaris apostolorum Johannis et Jacobi in ecclesia de Cambiniaco instituti prudentium virorum ductus consilio de voluntate et consensu P[etri] Parisiensis succentoris qui dictam capellaniam instituit terram suam que est ad viam de Villers circiter vii arpenta et dimidium tradidit Ade Rossel Renoldo Perot Durando Pelupario Giloni Xristiano Forgerrel Roberto de Merroliis Willelmo filio Helisendis Xristiano Barbario Johanni Riaut ad plantandum vineas in hunc modum Predicti cultores tenentur per fidem suam totam predictam terram plantare bene et fideliter infra Penthecosten proximo venturam et similiter debent facere fossata et plantare haiam et manutenere eam bonam et congruam quislibet sumptibus suis circa partem suam quam plantare tenetur Debent autem dicti cultores tenere vineas illas et facere de omnibus facturis propriis sumptibus competentibus usque ad sex annos in quorum primis quatuor dicti cultores habebunt omnes proventus vini qui de vineis dictis provenient In aliis autem duobus scilicet quinto et sexto anno dictus Ivo vel ejus successor qui pro tempore fuerit medietatem tam de vino quam de alio proventu sine aliquibus expensis percipiet preter quam in expensa vindemiarum in quibus dictus capellanus medietatem ponet Si autem capellanus voluerit quod in duobus jam dictis annis scilicet quinto et sexto anno paxilli ponantur in vineis illis idem capellanus medietatem paxillorum sine aliquibus aliis expensis ponet et sepedicti cultores aliam medietatem sine aliqua contradictione ponent et totas vineas illas suis sumptibus paxillabunt Finitis autem sex predictis annis vinee ille dividentur au loz de quibus unam medietatem sepe dictus Ivo vel ejus successor q p t f ad usum et sustentationem suam in perpetuum possidebit Alia vero medietas predictis cultoribus cedet in hereditate Si autem in vineis illis aliquam venditionem quandoque fieri contigerit et revestiones et vente erunt dicti capellani Predicti vero cultores et eorum heredes sepe dicto capellano singulis annis in vigilia Pasche reddent censum scilicet duodecim denarios pro quolibet arpento nec tenentur ire ad aliquod pressorium Quod ut ratum et inconcussum permaneat presentem paginam sigilli nostri munimine fecimus roborari Actum anno gratie MCC vicesimo quarto mense octobri