Charter Document - 04910816
| Charter Number: | 04910816 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1223 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego A[dam] Dei gratia Morinensis episcopus omnibus p l i notum facimus quod domum et furnum quos habebam Parisius in Campellis quos etiam acquisieram et emeram de proprio meo et reddebant mihi singulis annis tresdecim libras et ecclesie Sti Martini de Campis Paris viginti solidos donavi eidem ecclesie in perpetuam elemosinam pro salute anime mee et parentum meorum tali conditione quod de duodecim libris ementur quinquaginta paria sotulariorum et centum ulne burelli vel plus si fieri poterit ad faciendum tunicas vel alia indumenta pauperibus et egenis annis singulis distribuenda medio tempore inter festum Omnium Sanctorum et festi Sti Andree apostoli Viginti autem solidi qui remanent et viginti sol quos dicta ecclesia annuatim habebat in predicto furno de consensu ipsius ecclesie donavi ad faciendam pitanciam fratribus ejusdem ecclesie annuatim in die anniversarii mei In recompensationem vero viginti sol quos ecclesia suprascripta in pred furno percipiebat dedi eidem ecclesie decem libras paris ad emendos redditus viginti sol Conventus autem obligavit se Deo et mihi et promisit in periculo animarum suarum quod ista prout in istis litteris sunt notata bona fide facient in posterum observari Hanc autem donationem et elemosinam concesserunt et fide corporaliter prestita in manu nostra promiserunt se in perpetuum servaturos nec se contra venturos Johannes de Monsterolio Johannes Forrez Albericus de Haraviler miles Radulfus Forrez clericus et Ansellus Forrez clericus nepotes mei In cujus rei testimonium presentes litteras feci fieri et sigilli mei munimine roborari Actum anno gratie MCC vicesimo tercio mense novembri