Charter Document - 04902460
| Charter Number: | 04902460 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1181 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Robertus prior ecclesie Sancti Martini de Campis universis fidelibus notum fieri volo presentibus et futuris quod querela quam habuimus adversus abbatem et monachos de Sacro Portu super decima quam in clauso eorum de Fontanis et in vinea de Amandi quam possident habere volebamus prudentium virorum consilio et utriusque partis assensu tali demum compositione terminata est quod scilicet pro decima illa de vino earumdem vinearum mero et non pressorato ubi fuerit in cupa plena aut ad minus semiplena modius unus nobis annuatim solvetur et decetero in vineis quas deinceps in valle de Fontanis adquisierint quod juris nostri fuerit habebimus Testes qui his interfuerunt Milo abbas Sancti Petri Milidunensis Balduinus presbiter de Castellario Johannnes de Roableio Bernardus de Brolleio Hec pactio a nobis et a domino abbate de Sacro Portu Ivone concessa in capitulo postmodum nostro recordata est et generali universorum assensu laudata et firmata Signum Simonis subprioris S Hugonis tertii prioris S Simonis cantoris ceteris omnibus id idipsum consentientibus Ut autem hec inviolabilem obtineant firmitatem scripto commendari et sigillo capituli nostri et nostro fecimus roborari Actum anno incarnati Verbi MCLXXX