Charter Document - 04901603
| Charter Number: | 04901603 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1202 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Odo Dei gratia Parisiensis episcopus omnibus p l i in Domino salutem Notum facimus quod ad preces et petitionem dilectorum nostrorum magistri Terrici canonici Bituricensis et Petri presbiteri Sancti Johannis et Johannis presbiteri fratrum eis in nostra presentia constitutis benigne concessimus ut ipsi instituerent capellaniam unam perpetuam in cella Sancti Saturnini de Campiniaco ad altare sancti Jacobi presbitero ejusdem loci ad hoc suum prebente assensum ita quod capellanus qui altari deserviet memorato cujus presentatio ad Priorem Sancti Martini de Campis pertinebit jurare tenebitur in institutione sua ad dictam capellaniam residentiam se facturum jurabit etiam fidelitatem presbitero de Campiniaco super rebus ad jus parochiale pertinentibus et quod nec in legatis nec in oblationibus sibi factis sibi aliquid percipiet nisi de voluntale presbiteri parrochialis nisi forte vel predia aliqua vel pecunia vel redditus vel pecunia ad emendos redditus eidem capellanie data fuerint ad augmentum reddituum capellanie et sustentationem capellani qui ad eandem capellaniam integre pertinebunt Capellanus vero ibidem celebrare non poterit donec missa parrochialis fuerit celebrata nisi de consensu et voluntate presbiteri prelibati Capellanus etiam diebus siagulis servitio ecclesie interesse tenebitur necnon et missam pro fidelibus et specialiter pro animabus dictorum fratrum et antecessorum suorum celebrare qui fratres eidem capellanie assignaverunt in perpetuam elemosinam ad opus capellanie quatuor arpenta terre arabilis versus fontem de Luat et dimidium arpentum vinee apud Campiniacum laudantibus hoc et fide interposita concedentibus pro animabus suis et antecessorum suorum Garino et Simone et Mathilde et Constancia uxoribus eorum salvo censu suo Donaverunt etiam duo arpenta pratorum in valle Rout concedentibus pro anima sua et antecessorum suorum Stephano presbitero salvo censu suo Has autem donationes concesserunt Symon laicus frater Richoldis et Sibilla sorores dictorum fratrum Preterea prior Sancti Martini de Campis Willelmus de voluntate et consensu totius conventus donavit eidem capellanie in perpetuum tres modios vini in decima sua de Campini post duos modios presbiteri parrochialis singulis annis percipiendos si inventi fuerint Odo eciam de Sancto Mederico donavit in perpetuam elemosinam dicte capellanie super domum suam de Parvo Ponte que est juxta stallas Carnificum decem solidos singulis annis in festo Sancti Remigii reddendos Renaudus vero de Campiniaco qui primo institutus est capellanus ibidem donavit capellanie sepe dicte quicquid habebat et quicquid acquirere potet erat videlicet terram quam habebat versus Luat contiguam prefatis quatuor arpentis quam cum jam dicto Petro presbitero pro terra sua censuali quam tenebat a Domino de Combeaus commutavit Donavit etiam dimidium arpentum prati apud Pratellam Has donationes laudaverunt et concesserunt Guarinus et Symon et eorum uxores salvo censu suo Donavit etiam fossam unam juxta villam et domum quandam in atrio de Campiniaco sitos concedentibus Priore et conventu Sti Martini de Campis Has donationes a Renaudo factas concesserunt et quicquid de Renaudo eis post mortem ipsius devenire poterat quitaverunt Albericus et Johannes avunculi dicti Renaudi Aeleis et Hildeardis sorores ejusdem amite In cujus rei memoriam presentem cartam sigilli nostri fecimus impressione muniri Actum anno Domini millesimo ducentesimo II