Charter Document - 04900780

Confessio domini Johannis comitis de Bellomonte de omnibus elemosinis et donationibus quas predecessores sui ecclesie Sancti Leonorii dederunt In nomine sancte et individue Trinitatis amen Johannes comes Bellimontis u p l i salutem Accedentes ad nos monachi Bellimontis humiliter supplicarunt ut ego donationes meas et predecessorum meorum in terris vineis censibus decimis bladis et avenis et aliis quibuscumque redditibus que in cartis suis sigillo meo et sigillis predecessorum meorum sigillatis continebantur in unam cartam redigi facerem et sigilli mei munimine roborari Et ego petitioni benigne ac liberaliter annuens presentem paginam super predictis donationibus confici volui et sigilli mei munimine roborari Ego igitur imprimis caritatis intuitu et ob remedium anime mee et parentum meorum concedo pariter et confirmo ecclesie Sti Leonorii et monachis ibidem Deo servientibus de dono patris mei bone memorie Mathei quondam comitis Bellimontis usuariam consuetudinem in nemoribus meis de Bellomonte quantum quidam asinus ad usum eorum singulis diebus afferre potuerit Et quindecim solidos Belvacensium assignatos ad refectionem in tribus festivitatibus SS Calixti Cunuali et Etruetali Quorum denariorum xii sol carnifices de Bellomonte de stallis suis persolvent annuatim tres vero solidi assignati sunt in censu quem pater meus emit ab Hugone de Cingula Et pro haris jumentorum meorum cum suis sequentibus unum modium bladi et unum hordei in decima de Borrenc singulis annis Item de dono ipsius patris mei decimam decime de Borrenc quod vulgariter redecimam dicitur Item de dono patris mei centum solidos Belvac in transverso pontis de Bellomonte annuatim recipiendos et decem minas salis annis singulis ad Edictum xx sol in Assumptione xx sol in octavis Sti Dionysii xx sol infra octavas Innocentium xx sol in Annunciatione B Marie xx sol sal etiam reddetur in terminis pretaxatis Item ex dono patris mei et concessione aream molendini apud Parcenc sitam quam Garnerus miles de Baerna predictis monachis vendidit Insuper pratum de Tuebeuf quod predicti monachi emerunt ab Adam de Buxeria Ex dono fratris mei Mathei quondam comitis Bellimontis xl sol paris annuatim percipiendos in transverso pontis Bellimontis prima dominica XL pro commutatione hospitum suorum quos apud Mesnilium Sancti Dionysii habebant quos etiam dicti Monachi fratri meo jure hereditario concesserunt Item ex dono ejusdem fratris mei libertatem hospitibus Sancti Leonorii apud Fresneium talem scilicet quod in perpetuum erunt quiti et liberi de omnibus corveiis de omnibus servitiis de omnibus subventionibus excepto quod ubicumque comes Bellimontis ducere poterit homines Chambliaci etiam ducere homines Sti Leonorii de Fresneio et hoc submonitione Prioris Sti Leonorii Comes etiam Bellimontis vel servientes ejusdem super hospites Sti Leonorii infra terminos Justicie Fresneii supradicti Preterea Prior Sancti Leonorii antequam festum Omnium Sanctorum pretereat reddet Comiti duos modios avene quam dicti hospites Priori annuatim persolvent Ex dono bone memorie Philippi de Bellomonte fratris mei x sol Paris ad refectionem monachorum singulis annis capiendos in festo Sti Jo Baptiste de censu Campaniarum monachi vero singulis annis anniversarium facient pro animabus dicti fratris mei et matris sue Item ex dono dicti Philippi fratris mei sex minas bladi in grangia de Belleeglise singulis annis a monacho de Courcelles accipiendas pro anniversario suo faciendo Ex dono fratris mei bone memorie Mathei domini Lusarchiarum sex solidos Parisiensium in theloneo de Lusarchiis singulis annis quarta feria post festum Omnium Sanctorum reddendos Ex dono meo xx sol par pro animabus matris mee Aeles et Mathei comitis singulis annis in diebus anniversariorum suorum in transverso Bellimontis x sol in crastino Sti clementis et x sol tertia die post Epiphaniam Item ex dono meo et pro anima mea et Johanne comitisse uxoris mee vinginti solidos parisiens singulis annis in vigilia sancti Andree apostoli percipiendos in transverso Bellimontis Quod ut perpetue stabilitatis robur obtineat presentem paginam sigilli mei feci munimine roborari Actum anno Incarnationis Domini millesimo ducentesimo vicesimo primo