Charter Document - 04900771
| Charter Number: | 04900771 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1220 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis amen Philippus Dei gratia Francorum rex Noverint universi presentes pariter et futuri quod nos per inspectionem cartarum Abberi [ci] quondam comitis Domni Martini et Johannis Briardi et Amicie uxoris ejus per legitimam inquisitionem prestitis sacramentis proborum virorum de mandato nostro ratione dominii nostri Domni Martini factam didicimus dilectum et fidelem nostrum Guidonem Buticularium Silvanectensem et Priorem et monachos Sancti Nicholai de Aciaco de memore de Lueton nunquam reddidisse griariam vel debere didicimus etiam per eamdem inquisitionem eumdem Buticularium de memore de Pinnevol nunquam reddidisse griariam vel debere quare dicto Buticulario Silvanectensi et heredibus ejus et Priori et monachis supradictis dicta memora ab omni griaria libera et absoluta inperpetuum concedimus obtinenda salvo hoc quod in illis nemoribus cum nobis placuerit venari licebit Que ut perpetuum robur obtineant sigilli nostri auctoritate et regii nominis karactere inferius annotato presentem paginam precepimus roborari Actum apud Compendium anno incarnati Verbi millesimo ducentesimo vicesimo regni vero nostri anno quadragesimo