Charter Document - 04900759
| Charter Number: | 04900759 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1219 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Magister Gaufridus canonicus et officialis Silvanectensis omnibus presentes litteras inspecturis salutem in Domino Noveritis quod Albericus de Baerna et Berta uxor ejus donaverunt coram nobis in perpetuam eleemosinam Priori et monachis Sti Nicholai domum suam que est in vico Sti Aniani subtus ecclesiam Iidem vero Prior et monachi predicti cum assensu prioris Sancti Martini de Campis eamdem domum Alberico et Berte commodaverunt nomine Ecclesie beati Nicolai ad manendum in ea quandiu vixerint Post mortem vero eorum dicta domus cum omni melioratione quam ibi fecerint et cum omnibus mobilibus et acquisitis eorum ecclesie beati Nicholai integre remanebit In cujus rei memoriam ad petitionem predictorum Alberici et Berte presentes litteras inde fieri et sigillo curie Silvanectensis fecimus communiri Actum anno Domini MCCXIX mense novembri