Charter Document - 04900743
| Charter Number: | 04900743 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1217 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus p l i Abbas et conventus Fossatensis ecclesie salutem in Domino sempiternam Cum ecclesia Sancti Jacobi Parisiis nomine cujusdam sue confratrie domum quamdam que fuit Radulphi Chanevassier prope eandem ecclesiam ad censum octo denariorum parisiensium tenuisset a Priore nostro Sancti Eligii Parisiensis et Prior Sancti Eligii cogeret confratres confratrie Sancti Jacobi predicte ut domus jamdicta venderetur Nos de assensu et voluntate Prioris Sancti Eligii et fratrum nostrorum ibidem commorantium et bonorum virorum consilio eorum voluntati adquiescentes predicte ecclesie concessimus et eisdem confratribus dictam domum ad predictum censum quiete et pacifice possidendam ita videlicet quod in platea ejusdem domus si voluerint poterint dictam ecclesiam ampliare et pro hac libertate habenda dicti confratres ecclesie Sancti Jacobi ecclesie Sancti Eligii prenominate octo libras paris contulerunt In cujus rei memoriam sigillorum nostrorum munimine litteras presentes roboravimus Actum in capitulo Fossatensi anno ab Incarnatione Domini MCCXVII mense decembris