Charter Document - 04900734
| Charter Number: | 04900734 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1217 |
| Date type: | Internal, A.D. |
| Resource Link(s): |
|
Charter:
Petrus Dei gracia Parisiensis episcopus omnibus presentes litteras inspecturis salutem in Domino Noverit universitas vestra quod Ansellus de Ambeella miles et Contessia ejus uxor in presentia nostra constituti recognoverunt se vendidisse monachis Sti Martini de Campis Parisiensis quidquid habebant in dioecesi Silvanectensi et Belvacensi exceptis quatuor feodis militum et hoc quod habebant in aqua et denariis quos Communia Silvanectensis eis debebat de redditu annuali Hanc itaque venditionem laudaverunt et fide interposita firmaverunt filii eorum videlicet Guido Johannes et Guillelmus Super hoc et predicti Ansellus et Contessia fide jussores constituerunt scilicet Fulconem de Bry et Symonem fratrem ejus Thomam de Cauda Guillelmum de Ambeella Guillelmum de Praerus et Hugonem de Vinolus milites Isti omnes plegii sunt unusquisque in solidum et per fidem de ferenda garandia secundum consuetudines et usus Francie et de centum libris parisiensibus reddendis monachis Sti Martini pro dampnis et expensis suis si aliquis de parentela dictorum Anselii et Contessie prefatam venditionem vellet aliquatenus revocare Quod ut ratum et inconcussum in posterum perseveret presentes litteras ut perpetuam obtineant firmitatem sigilli nostri munimine fecimus roborari Actum anno Domini millesimo ducentesimo septimo decimo mense aprili