Charter Document - 04900731
| Charter Number: | 04900731 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1216 - 1217 |
| Date type: | Internal, A.D. |
| Resource Link(s): |
|
Charter:
P[etrus] Dei miseratione Parisiensis episcopus o p l i salutem in Domino Notum facimus quod cum causa verteretur inter Priorem et conventum Sti Martini de Campis ex una parte et Herardum presbiterum de Escuem ex altera pro decima de novalibus factis et faciendis in parrochia de Escuem et de Esenvilla quam dictus Herardus dicebat ad se de jure parrochiali spectare tandem consilio bonorum virorum assensu nostro et Ernaudi archidiaconi nostri compositio facta est inter eos in hunc modum quod Herardus presbiter de Escuem quitamus predictis Priori et conventui totam decimam novalium tam factorum quam faciendorum in parrochia de Escuem et de Esenvilla et ipsi quitaverunt dicto Hebrardo imperpetuum quicquid habebant in minuta decima parrochie de Escuem et de Esenvilla et panem quem ipsi habebant in altari de Escuem et de Esenvilla in Natali et in Pascha salvo jure Prioris de Doumunt quod habet in tercia parte minute decime et octo denarios censuales qui debebantur eis de domo presbiterii In cujus rei memoriam et confirmationem pres paginam tam sigilli nostri quam dicti archidiaconi impositione fecimus communiri Actum anno Domini MCC sexto decimo