Charter Document - 04900726
| Charter Number: | 04900726 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Judgement |
| Date: | 1216 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
O p l i Officialis curie Parisiensis Cum Beati Martini de Campis et Beati Eligii priores in causam traxissent coram nobis Albericum et Petrum de Chimino fratres Petrum Engignart et Garinum de Ruella laicos proposuerunt contra eos quod de duabus partibus unius pictavine quas similiter solebant recipere in Rogationibus singulis annis ab antecessoribus eorum spoliaverant juris ordine pretermisso prefati vero laici responderunt res predictas nequaquam fuisse solutas ab antecessoribus suis Prioribus antedictis negantes eosdem Priores se rebus illis indebite spoliasse Tandem lite super hoc legitime contestata testibus receptis ad probandum intentionem dictorum Priorum diligenter examinatis attestationibus publicatis diligenter inspectis auditis rationibus et allegationibus publicatis et confessionibus utriusque partis plenius intellectis communicato bonorum virorum consilio sepedictarum rerum possessionem per diffinitivam sententiam adjudicavimus Prioribus supradictis Actum anno Domini MCCXVI mense decembri