Charter Document - 04900718

P[etrus] Dei gratia Parisiensis episcopus omnibus Xristi fidelibus ad quos presentes littere pervenerint salutem in Domino Notum facimus universis quod cum dilecti nostri Petrus Parisiensis ecclesie succentor et Johannes presbiter Bachivallis fratres instituissent perpetuam cappellaniam in ecclesia de Campiniaco ad altare sanctorum apostolorum Philippi et Jacobi de consensu et voluntate Odonis bone memorie predecessoris nostri et presbiter [i] parochialis tandem accedentes ad nos humiliter pecierunt ut institutionem illam confirmaremus in hunc modum scilicet ut cappellania dicti altaris nulli conferatur nisi presbitero ordinato vel infra annum in presbiterum ordinando Interim aut medietatem fructuum vel aliam competentem porcionem per episcopum Parisiensem percipiet cappellanus qui altari deserviet ad succursum Residuum totum in augmentum cappellanie de mandato et consciencia episcopi Parisiensis per presbiterum loci implicabitur Quod si elapso anno ille cui fuerit beneficium collatum non fuerit ordinatus in presbiterum liceat Priori Sti Martini qui pro tempore fuerit ad cujus donationem dictum altare pertinet vel episcopo Parisiensi si Prior negligens fuerit dictam cappellaniam alteri cuicumque voluerit sine contradictione qualibet conferre Sciendum autem quod cappellanus qui memorato altari deserviet pro animabus predictorum fratrum et parentum et benefactorum suorum singulis diebus privatis quando poterit missam pro fidelibus tenebitur celebrare diebus autem dominicis de Sancto Spiritu et festivis novem lectionum de festo et sabbato de beata Maria virgine eidem cappellano celebrare licebit Ita quod in eadem missa pro fidelibus defunctis specialem collectam dicere tenebitur que sic incipit Fidelium Deus omnium [] Preterea statutum est quod cappellanus hujus altaris in ecclesia de Campiniaco residenciam facere et cothidianis officiis bona fide interesse tenebitur et hoc ipsum in sua institutione jurabit Statutum est etiam ut parrochiam de Campiniaco sive aliam sive aliud beneficium ad firmam nunquam possit habere Sed si forte ex competenti necessitate per unum diem vel paucos dies presbiter parrochialis absens fuerit cappellanus tenebitur succurrere parrochie dum tamen presbiter parochialis residentiam faciat in parrochia dicta Jurabit etiam sepe dictus capellanus fidem presbitero parochiali qui pro tempore fuerit super rebus ad jus parochiale pertinentibus et quod in oblationibus sibi in ecclesia factis nichil percipiet nisi de voluntate presbiteri parochialis tamen presbiter parochialis singulis diebus quibus celebrabit unam candelam in missa eidem tenebitur exhibere In legatis autem que fient capellano medietatem percipiet presbiter parochialis nisi forte vel predia aliqua vel redditus vel pecunia ad emendos redditus eidem capellano data fuerint ad augmentum reddituum sue capellanie que ad eamdem capellaniam integre pertinebunt Adjectum est eciam quod neque missam neque aliud officium in ecclesia de Campiniaco poterit predictus capellanus publice decantare donec presbiter parochialis missam suam celebraverit nisi de consensu et licentia ipsius presbiteri parochialis Et quicumque ad istam cappellaniam presentatus fuerit hanc institutionem se serviturum in sua institutione jurabit Ad hujus autem sustentationem cappellani ista sunt assignata apud Campiniacum circiter quatuordecim arpenna prati et unum arpentum vinee et unum duplarium vini et domus juxta ecclesiam et decem solidi de incremento census Parisius super domo que fuit Odonis de Sancto Mederico Hanc igitur institutionem presenti scripto sigilli nostri impressione munita confirmamus Statuimus eciam ut quicumque capellanus hujus altaris cesserit vel decesserit si habeat unde debita sua possit persolvere fructus colligendi suo cedent successori Si autem non habuerit unde debita sua persolvere possit et usque in crastinum Penthecostes vixerit vel capellaniam tenuerit medietatem fructuum illius anni colligendo percipiet et successor illius alteram medietatem habuerit Actum anno Domini millesimo ducentesimo quintodecimo