Charter Document - 04900697
| Charter Number: | 04900697 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1210 - 1211 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
[] Fulco decanus J cantor B canonicus Sti Pauli [] significamus vobis quod Petrus de Gornaio coram nobis judicibus a Domino Papa legatis traxit in causam Priorem de Gornaio super terram et vineam quas pignori obligatus fuisse asserebat et contra Prior vineam venditam fuisse et terram commutatam proponebat [] Prior attestationes coram nobis deposuit astantibus viris peritis magistro Thoma cantore Noviomensi et concanonico suo magistro P de Orchi in hunc modum Guillelmus maior juratus dixit quod amita Petri de Gornaio Toisana cognomine tenebat quandam vineam quam cum vellet dare ecclesie de Gornaio et conversa noluit acquiescere Petrus quia optima erat vinea Sed post multam altercationem dedit in commutationem mulieri terram de qua agitur et mulier dedit se et predictam terram ecclesie de Gornaio ipso Petro sciente et consentiente Requisitus utrum audierit terram illam pignori obligatam esse respondit quod nunquam audivit usque ad tempus presens sed plene cognovit quod precise fuit terra pro vinea commutata De vinea quam Petrus petit dixit quod Simon pater Petri vendidit Willelmo preposito de Gornaio eandem vineam de qua agitur et Willelmus prepositus dedit filie sue in matrimonium et de filia descendit ad filium suum qui vendidit eam Priori ds Gornaio [] ab annis xlv et eo amplius elapsis ut credit Drogo Thoset idem dixit [] Gaufredus Macharius juratus [] Odo Frontinus [] His diligenter inspectis habito consilio a nobis arbitrium suum dictavit Prior dicens Petro quod nihil juris habebat in terra vel vinea sed considerata paupertate ipsius de misericordia dedit ei dimidium modium bladi [] Anno ab Incarnatione Domini MCCX