Charter Document - 04900688
| Charter Number: | 04900688 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1209 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Adam vicecomes Meledunensis notum facio universis quod super contentione que erat inter me et Priorem Sancti Martini de Campis super bosco de Blandi qui metearius dicitur et super terra composuimus hoc modo videlicet quod dictus Prior Sancti Martini partietur ego autem partem meam accipiam infra tres septimanas ex quo dictus Prior mihi partes ostenderit et preterea de parte Prioris habebo totum boscum qui modo est desuper terram ita quod illam liberavero infra competentem terminum quem Dominus Rex mihi super hoc statuerit Cum autem illum deliberavero fundus terre dicto Priori Sancti Martini liber et immunis de me et meis ad terram sive ad boscum in perpetuum remanebit Domino autem meo illustri Francorum regi creantavi quod si ego contra hoc venirem ipse propter hoc posset assignare ad totum feodum meum et ipsum dominum Regem requisivi ut compositionem istam per litteras suas confirmaret Actum Parisius anno gratie MCC nono mense novembri