Charter Document - 04900686
| Charter Number: | 04900686 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1209 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus p l i Stephanus Dei gratia Noviomensis episcopus salutem in Domino Notum facimus quod Willelmus decanus Peronensis in presentia nostra recognovit quod cum Prior et conventus Sti Martini de Campis Parisiensis amministrationem prioratus de Liniaco super Chanchiam qui propter aliquorum incuriam et aliorum malitiam ad tantam desolationem jam devenerat quod domus ejus fere omnes erant dirute terre remanserant inculte et nulla ibi erant mobilia insuper ecclesia gravi erat honere debitorum opressa nec etiam monachus reperiri poterat aliquis qui eam recipere vel ibi habitare vellet aut posset in vita sua sibi liberaliter dixerint concedendam ipse promisit quod bona fide et sine fraude negocia et utilitates predicte ecclesie procurabit et omnia fideliter amministrabit et jura ecclesie intus et extra pro posse suo manutenebit et noxia evilabit Debitum etiam domus quod est quadragintarum librarum paris viginti libris minus usque ad quinquennium ipse persolvet et ecclesie inde plene quitabit Insuper ecclesiam nullis gravabit debitis nec ante quinquennium nec post Duos etiam monachos ibi usque ad quinquennium et a quinquennio in antea tres semper qui Deo ibidem secundum ordinem suum deserviant in omnibus necessariis providebit secundum ordinem et honeste tractabit Qui si essent nimis honerosi postquam Priori idem decanus significaverit et ostenderit alios in locum eorum substituet Procurationes quoque quas eadem domus debet honera et nichilominus procurationem sepedicti Prioris Sti Martini et monachorum suorum more solito preterea centum solidos paris usque ad quinquennium et exinde decem libras annuatim in festo Bti Martini in estate jam dicto Priori persolvet Res siquidem immobiles ecclesie nec pignori obligare nec infeodare nec alienare poterit Donatio autem parrochiarum ad ecclesiam de Liniaco pertinentium apud Priorem Sancti Martini de Campis remanebit ad hec autem usque ad decem annos centum libras ad restitutionem et reparationem domorum ejusdem ecclesie ponere et committere debebit Edificia etiam que modo ibi sunt manutenebit in eodem statu in quo inveniet preter meliorationem centum librarum predictarum quas facere predicto modo debebit Quecumque autem mobilia vel immobilia vel incrementa tempore mortis ejusdem decani in domo illa vel in locis pertinentibus ad eam inventa fuerint concessit ut pro salute anime sue post mortem suam ad ecclesiam de Liniaco pertinere debeant Ad hoc autem ut predicta omnia melius memorie teneantur et firmiter serventur idem decanus se propter hoc jurisdictioni nostre subjecit rogans ut super hiis omnibus testimonium nostrum daremus et si contingeret eum contra ea que statuta sunt inter ipsum et ecclesiam Beati Martini venire ipsum per censuram ecclesiasticam cogeremus ad condignam satisfactionem exhibendam ecclesie Sancti Martini Nos autem predictis omnibus secundum recognitionem ejus coram nobis factam testimonium perhibemus et si contra eam venerit jurisdictionem predictam in eum exercebimus Et super hiis litteras nostras concessimus sigillo nostro munitas Actum Parisius anno gratie MCC nono mense augusti