Charter Document - 04900685
| Charter Number: | 04900685 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 - 1209 |
| Date type: | Assigned |
| Resource Link(s): |
|
Charter:
Petrus Dei gratia Parisiensis episcopus omnibus ad quos littere presentes pervenerint salutem in Domino Notum facimus universis quod dilecti nostri Petrus Parisiensis ecclesie succentor et Johannes presbiter Bachivallis de consensu et voluntate presbiteri parrochialis et nostra in ecclesia de Campiniaco que est de donatione Prioris Sti Martini perpetuum capellanum instituerunt ad altare Beate Marie qui pro animabus parentum et benefactorum suorum et suis singulis diebus privatis missam pro fidelibus celebrabit diebus autem dominicis de Sancto Spiritu et festivis de festo et sabbato de Beata Maria Virgine eidem capellano celebrare licebit ita quod [in eadem missa pro fidelibus specialem collectam dicere tenebitur que sic incipit Fidelium Deus Sciendum autem quod] idem sacerdos in ecclesia de Campiniaco residentiam facere et cotidianis officiis bona fide interesse tenebitur et hoc ipsum in sua institutione jurabit Adjectum est etiam quod neque missam neque aliud officium in ecclesia de Campiniaco publice poterit decantare donec presbiter parrochialis missam suam celebraverit nisi de assensu et licentia ipsius presbiteri parrochialis Et si forte ex competenti necessitate presbiter parrochialis absens fuerit capellanus tenebitur succurrere parrochie dum tamen presbiter parrochialis residentiam faciat in parrochia Jurabit etiam capellanus fidelitatem presbitero parrochiali qui pro tempore fuerit super rebus ad jus parrochiale pertinentibus et quod in oblationibus sibi factis nichil percipiet nisi de voluntate presbiteri parrochialis [In legatis autem parrochie sibi factis medietatem percipiet aliam medietatem presbiter parrochialis] Statutum est etiam quod capellanus qui altari deserviet memorato ecclesiam de Campiniaco sive altare in honore SS Apostolorum Johannis et Jacobi institutum ad firmam nunquam possit habere Et ne defunctorum anime statuto defraudentur beneficio jam dictis fratribus concessimus quod ad altare memoratum quod est de donatione Prioris Sti Martini de Campis nullum recipiemus nisi qui in ordines sacerdotis fuerit assequutus Ad ipsius autem sustentationem capellani prefati Succentor et Johannes de assensu et voluntate Ricoldis sororis sue et Constancie sororie sue et heredum ipsarum dederunt et assignaverunt domum quandam et porprisia in atrio Campiniaci sita et dederunt etiam iiiier arpenta pratorum in valle Root et duo arpenna vinearum et iiiier terre arabilis et xx libras ad redditus emendos In cujus rei memoriam presens scriptum fieri fecimus et sigilli nostri impressione muniri