Charter Document - 04900667
| Charter Number: | 04900667 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 |
| Date type: | Internal, A.D. |
| Resource Link(s): |
|
Charter:
Odo Dei gratia Parisiensis episcopus notum facimus omnibus presentibus pariter et futuris quod Guillelmus de Garlanda et Aales uxor sua in nostra presentia constituti pro salute animarum Idonee matris ejusdem Guillelmi et Roberti de Garlanda fratris ejus concesserunt et dederunt in perpetuam elemosinam ecclesie Beate Marie de Gornaio quatuor libras parisien singulis annis in suo pedagio de Gornaio in festo scilicet sancti Johannis Baptiste quadraginta solidos et in festo sancti Remigii alios quadraginta solidos Et idem Guillelmus et Aales uxor sua liberati fuerunt de sexaginta solidis hoc faciendo quos predictus Robertus iu extremis legaverat ecclesie supradicte Quod ut perpetuam obtineat stabilitatem ad petitionem ipsorum presentem paginam sigilli nostri munimine fecimus roborari Actum anno ab Incarnatione Domini millesimo ducent octavo mense aprili