Charter Document - 04900666
| Charter Number: | 04900666 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1208 |
| Date type: | Internal, A.D. |
| Resource Link(s): |
|
Charter:
Ego Guillelmus de Garlanda et Aalis uxor mea notum facimus omnibus presentibus pariter et futuris quod nos pro salute domine Id[onee] matris mei Guillelmi et Roberti de Garlanda fratris mei concessimus et dedimus ecclesie Beate Marie de Gornaco iiii libras paris percipiendas annuatim in pedagio nostro de Gornaco et liberati fuimus hoc faciendo de lx solidis quos eadem mater mei Guillelmi eidem ecclesie legaverat in extremis et de xl solidis paris quos predictus Robertus similiter eidem ecclesie legaverat Ille autem iiii libre solventur ecclesie memorate hiis terminis in festo scilicet Nativitatis sancti Johannis Baptiste xl solidi et in festo sancti Remigii alii xl solidi Rogavimus episcopum Parisiensem Odonem ut id sigilli sui munimine confirmet Quod ut perpetuum robur obtineat presentem paginam sigilli nostri munimine fecimus confirmari Actum anno ab Incarnatione Domini MCC octavo mense aprili